ხვალ აფხაზეთის უმაღლესი საბჭოს თავმჯდომარის არჩევნები გაიმართება. ამის შესახებ ინფორმაცია “თაიმერს” უმაღლესი საბჭოს რამდენიმე დეპუტატმა დაუდასტურა. სესია 11:00 საათზე ჩაინიშნა. გია გვაზავა, რომელიც 2009 წლიდან დღემდე აფხაზეთის ავტონომიური რესპუბლიკის უმაღლესი საბჭოს თავმჯდომარის პოსტს ინარჩუნებდა, სრული ალბათობით დატოვებს აღნიშნულ თანამდებობას. “თაიმერის” ინფორმაციით, უმაღლესი საბჭოს თავმჯდომარის პოსტზე ორი კანდიდატურა განიხილება – დავით გვაძაბია და ჯემალ გამახარია. ამავე დროს, “თაიმერი” წყარო არ გამორიცხავს სხდომის გადადებას. პროცედურის მიხედვით ხვალ ასევე მოხდება უმაღლესი საბჭოს თავმჯდომარის მოადგილეების, ფრაქციებისა და კომისიის თავმჯდომარეების დამტკიცება.
