ხობის მუნიციპალიტეტის სოფელ ხამისკურში მამაკაცი დააყაჩაღეს. არსებული ინფორმაციით, მამაკაცს ორი შეიარაღებული პირი თავს დაესხა და გარკვეული რაოდენობის თანხა გასტაცა.
შინაგან საქმეთა სამინისტროს ინფორმაციით, მომხდართან დაკავშირებით გამოძიება დაწყებულია სისხლის სამართლის კოდექსის 179-ე მუხლით, რაც ყაჩაღობას გულისხმობს. მათივე ცნობით, დამნაშავეების დასაკავებლად აქტიური საგამოძიებო მოქმედებები მიმდინარეობს.