ხობის მუნიციპალიტეტის ახალსოფლის ადმინისტრაციულ ერთეულში ნაპირდამცავი გაბიონი შენდება.
ინფრასტრუქტურულ პროექტს საქართველოს მელიორაცია ახორციელებს.
პროექტის შესაბამისად 60 მეტრზე მოეწყობა გაბიონი.
აღნიშნულ მონაკვეთზე გზის ნაწილი დაზიანებული იყო, რის გამოც სატრანსპორტო საშუალებები უსაფრთხოდ ვერ გადაადგილდებოდნენ.
გაბიონის მშენებლობის პროცესს ხობის მუნიციპალიტეტის მერის მოადგილე მახარე ჩოკორაია და მერიის ინფრასტრუქტურის, ურბანული განვითარებისა და არქიტექტურის სამსახურის უფროსი ზაზა ბუკია გაეცნენ.
სამუშაოების დასრულების შემდეგ მოქალაქეებს უსაფრთხოდ გადაადგილების შესაძლებლობა ექნებათ.
