ხარკოვის მერი გენადი კერნესი და უმაღლესი რადას დეპუტატი მიხაილ დობკინი, დანაშაულებრივი დაჯგუფების შექმნაში არიან ეჭვმიტანილები, ასევე – სახელმწიფო ქონების გაფლანგვასა და თანამდებობის ბოროტად გამოყენებაში -განაცხადა უკრაინის გენერალურმა პროკურორმა იური ლუცენკომ. მისი თქმით, ეს დანაშაულებრივი დაჯგუფება “მიზნად ისახავდა სახელმწიფო ქონების დატაცებას და სამსახურეობრივი მდგომარეობის ბოროტად გამოყენებას”. ლუცენკოს თქმით, დანაშაულებრივი მოქმედებები ხარკოვის საქალაქო საბჭოში იგეგმებოდა. აღნიშნული ჩინოვნიკების გარდა, საქმეში 120 სახელმწიფო მოსამსახურე ფიგურირებს, რომლებიც ხარკოვში მაღალ თანამდებობებზე არიან -ავრცელებს უკრაინული მედია.