“ისლამურმა სახელმწიფომ” ვიდეორგოლი გაავრცელა, სადაც, მათი მტკიცებით, ნაჩვენებია “რუსი ჯაშუშის” სიკვდილით დასჯა. ამის შესახებ ინფორმაცია CNN-ი ავრცელებს.
ვიდეოში ტერორისტი მიმართავს რუსეთის პრეზიდენტს ვლადიმერ პუტინს და აფრთხილებს მას, რომ რუსეთი არ არის დაცული ISIS-ის დარტყმებისგან. “ისლამური სახელმწიფოს” წევრი ამბობს, რომ ისლამისტები რუსეთის მოქალაქეებს არ მოასვენებენ და ყველას მოკლავენ.
ვიდეოს მიხედვით, ნარინჯისფერ კომბინეზონში ჩაცმული ტყვე აღიარებს, რომ რუსულ დაზვერვაზე მუშაობდა და მას სირიაში იმ ისლამისტების პოვნა ევალებოდა, რომლებიც რუსეთში ტერაქტების განსახორციელებლად აპირებდნენ ჩასვლას. როგორც თავად ამბობს, სირიაში ის “ისლამური სახელმწიფოს” ე.წ. შიდა უსაფრთხოების ძალებმა დააკავეს.
https://www.youtube.com/watch?v=nffEweVoBag
