ირაკლი ღარიბაშვილი – ამ თარიღებით სპეკულირება არის სირცხვილი; შედეგია ის, რომ ჩვენი ქვეყნის 20% არის ოკუპირებული და აღიარებული რუსეთის მიერ, ამაზე უნდა ვისაუბროთ და იმაზე ვიფიქროთ, როგორ დავძლიოთ ოკუპაცია

gulis eleqsiri

ისეთი თემები, როგორიც არის ქვეყნის სუვერენიტეტი, ჩვენი დამოუკიდებლობა, ომი, ტრაგედია, ამაზე, ამ ერთ დღეს მაინც შეწყვიტეთ ეს პოლიტიკური სპეკულაციები, – ამის შესახებ საქართველოს პრემიერ-მინისტრმა ირაკლი ღარიბაშვილმა მუხათგვერდის ძმათა სასაფლაოზე ჟურნალისტებთან საუბრისას განაცხადა.

მთავრობის მეთაურის თქმით, ჩვენი ქვეყნის 20% არის ოკუპირებული და აღიარებული რუსეთის მიერ, შესაბამისად, ამაზე უნდა ვისაუბროთ და იმაზე ვიფიქროთ, როგორ დავძლიოთ ოკუპაცია.

„ეს არის სირცხვილი, ამ თარიღებით სპეკულირება. ამაზე სპეკულირება არის სირცხვილი. ფაქტებზე და შედეგზე ისაუბრეთ. შედეგი არის ის, რომ ჩვენი ქვეყნის 20% არის ოკუპირებული და აღიარებული რუსეთის მიერ. შესაბამისად, ამაზე უნდა ვისაუბროთ და იმაზე ვიფიქროთ, როგორ დავძლიოთ ოკუპაცია.

თქვენი ხელისუფლება, სააკაშვილის, თქვენი ლიდერის და თქვენი მფლობელის და მაკონტროლებლის ხელისუფლება, ყოველთვის 8 აგვისტოს აღნიშნავდა. ეს იყო დამკვიდრებული პრაქტიკა და ტრადიცია.

მე გთხოვთ, რომ ისეთი თემები, როგორიც არის ქვეყნის სუვერენიტეტი, ჩვენი დამოუკიდებლობა, ომი, ტრაგედია, ამაზე, ამ ერთ დღეს მაინც შეწყვიტეთ ეს პოლიტიკური სპეკულაციები“, – აღნიშნა პრემიერ-მინისტრმა.

წინა სტატიაშიზურაბიშვილი – არ ვფიქრობ, რომ დღეს გლოვის დღე უნდა იყოს, რადგანაც ეს ამავე დროს არის ჩვენი მომავლის იმედის დღე
შემდეგი სტატიაახვლედიანმა ბრიტანულ კვლევით ცენტრთან აგვისტოს ომზე, მის შედეგებზე და ოკუპირებულ რეგიონებში დამძიმებულ ჰუმანიტარულ მდგომარეობაზე ისაუბრა