გიორგი ტყემალაძე – მერიასა და საკრებულოში ხელფასების ზრდა არ იგეგმება

თაიმერი timer.ge
ავტ.: თაიმერი timer.ge იანვარი 16, 2018 17:40

გიორგი ტყემალაძე – მერიასა და საკრებულოში ხელფასების ზრდა არ იგეგმება

მნიშვნელოვანი

  • თბილისის საკრებულოს თავმჯდომარე გიორგი ტყემალაძემ ოპონენტებს მოუწოდა, მოსახლეობის შეცდომაში შეყვანისგან თავი შეიკავონ და კიდევ ერთხელ განაცხადა, რომ მერიასა და საკრებულოში ხელფასების ზრდა არ იგეგმება.

სხვა სტატიები

თბილისის საკრებულოს თავმჯდომარე გიორგი ტყემალაძემ ოპონენტებს მოუწოდა, მოსახლეობის შეცდომაში შეყვანისგან თავი შეიკავონ და კიდევ ერთხელ განაცხადა, რომ მერიასა და საკრებულოში ხელფასების ზრდა არ იგეგმება.

როგორც გიორგი ტყემალაძემ განმარტა, საჯარო სამსახურის შესახებ კანონში შესული ცვლილებების თანახმად, ხდება სამსახურებრივი სარგოსა და დანამატის გაერთიანება. მისივე თქმით, ხელფასები რანგებისა და შესაბამისი კატეგორიების მიხედვით განისაზღვრება.

ამასთან, საკრებულოს თავმჯდომარემ ოპოზიციონერ კოლეგებს კითხვით მიმართა და წლების მანძილზე, დედაქალაქის მერიაში მუშაობის დროს, მათი ხელფასის ოდენობით დაინტერესდა.

რაც შეეხება მერიაში მიმდინარე სტრუქტურულ ცვლილებებს, საკრებულოს თავმჯდომარის თქმით, აღნიშნული ცვლილებები მერიის მენეჯმენტს კიდევ უფრო ეფექტურს გახდის.

ამ წუთებში, თბილისის საკრებულოში სხდომა მიმდინარეობს, სადაც მერიაში მიმდინარე სტრუქტურულ რეფორმაზე მსჯელობენ.
აღნიშნულ ინფორმაციას საკრებულოს პრესსამსახური ავრცელებს.

თაიმერი timer.ge
ავტ.: თაიმერი timer.ge იანვარი 16, 2018 17:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,536
ვიზიტორი
დღეში
Powered By Google Analytics