გია თვალავაძისთვის აღკვეთის ღონისძიების შეფარდების შესახებ თბილისის საქალაქო სასამართლო დღეს იმსჯელებს. სამედიცინო რეგულირების სააგენტოს ხელმძღვანელის და მასთან ერთად დაკავებულებისთვის პროკურატურა წინასწარ პატიმრობას მოითხოვს. თუმცა ადვოკატი იმედოვნებს, რომ გია თვალავაძის წინააღმდეგ აღმკვეთი ღონისძება გამოყენებული საერთოდ არ იქნება, რადგან დანაშაულის მტკიცებულებები არ არსებობს. გამოძიება მას თანამდებობის ბოროტად გამოყენებას ედავება. საქმე სააფთიაქო ნარკომანიასა და ფსიქოტროპული მედიკამენტების ურეცეპტოდ გაყიდვას ეხება. თვალავაძისა და 6 დაკავებულის სასამართლო პროცესი დღეს ცალ-ცალე შედგება.
