გალის რაიონის დაბალი ზონის სოფლებში არასრულწლოვანთა გათხოვება გახშირდა. მაგალითად, ერთ-ერთ სოფელში, რომელსაც „თაიმერი“ შეგნებულად არ ასახელებს, ექვსი 14-15 წლის გოგონა გათხოვდა. „ახლახანს გამოვლინდა კიდევ ერთი ფაქტი, როდესაც გოგონას გული წაუვიდა. სამედიცონო შემოწმების შედეგად გაირკვა, რომ 14 წლის მოზარდი სამი თვის ფეხმძიმეა. მშობლები სკოლის დირექციას ადანაშაულებს, რომ მათი შვილები გაკვეთილების შემდეგ სკოლაში რჩებიან, სკოლის სასადილოში ნაყიდ სპირტიან სასმელებს მიირთმევენ და უგონოდ თვრებიან,“– აცნობეს „თაიმერს“. ჩვენი წყაროს თქმითვე, მშობლები ადგენენ პეტიციას, რომლითაც საქართველოს, ასევე, აფხაზეთის დე ფაქტო ხელისუფლებას მიმართავენ და აღნიშნული სკოლის დირექტორის გათავისუფლებას მოითხოვენ.
