“მონა-მონა”, „თვალთხარია გახარია“ – აქციის მონაწილეების ამ შეძახილების ფონზე მოუწიათ პრემიერ-მინისტრსა და მინისტრთა კაბინეტის წევრებს პარლამენტში შესვლა.
როგორც ცნობილია, დღეს პარლამენტის თავმჯდომარე არჩილ თალაკვაძე საკანონმდებლო ორგანოს საქმიანობის შესახებ წლიურ ანგარიშს წარუდგენს, რომელსაც ასევე დაესწრებიან, როგორც პრემიერ-მინისტრი გიორგი გახარია, ასევე მინისტრები.
პარალელურად კი პარლამენტის შენობის გარეთ ოპოზიციური პარტიებისა და სამოქალაქო აქტივისტების საპროტესტო აქცია მიმდინარეობს. ისინი პარლამენტში დღეს მიმდინარე პროცესების მიმართ გამოხატავენ პროტესტს.
