ევროპოლი ამბობს, რომ ტერორისტული ორგანიზაცია “ისლამური სახელმწიფო” ევროპაში მასშტაბურ ტერაქტებს გეგმავს. “მიმდინარე მომენტში ევროპა უკანასკნელი 10 წლის მანძილზე ტერორიზმის ყველაზე დიდი საშიშროების წინაშე დგას” – განაცხადა ევროპული პოლიციის სააგენტოს ხელმძღვანელმა რონ უეინრაიტმა გაზეთ Neue Osnabrücker Zeitung-თან ინტერვიუში.
უეინრაიტის თქმით, პარიზის ნოემბრის ტერაქტმა აჩვენა, რომ “ისლამურმა სახელმწიფომ” მსოფლიო მასშტაბებს მიაღია. “მოსალოდნელია, რომ “ისლამური სახელმწფო” და სხვა ტერორისტული გაერთიანებები ევროპაში მშვიდობიანი მოსახლეობის წინააღმდეგ დიდი მასშტაბის ტერაქტებს განახორციელებენ” – განაცხადა პოლიციის შეფმა და დაამატა, რომ თავდასხმების განხორციელება შეუძლიათ არა მხოლოდ ჯგუფებს, არამედ, ცალკეულ პირებსაც.
ევრპოლის შეფასებით, სამშობლოში დაახლოებით 3-5 ათასი ევროპელი დაბრუნდა, რომლემბაც სწავლებები გაიარეს სირიასა და სხვა ქვეყნებში. “მსგავსი ბოევიკების გაზრდილი მაჩვენებელი ახალი გამოწვევაა ევროკავშირისთვის” – განაცხადა უეინრაიტმა და აღნიშნა, რომ “არ არსებობს რაიმე კონკრეტული მაჩვენებელი იმისი, რომ ტერორისტები ლტოლვილებთან ერთად შემოდიან ევროპაში”.