ევროკავშირმა მიიღო საბოლოო გადაწყვეტილება რუსეთისთვის სანქციების გაგრძელების შესახებ, რომელიც ეხება რუსეთის ფედერაციის სამოქალაქო და იურიდიულ პირებს. სანქციები გაგრძელდა კიდევ 6 თვით 2018 წლის 15 მარტამდე. სიაში ფიგურირებს 149 ადამიანი და 38 კომპანია. ესენი არიან ბიზნესმენები, ძალოვანი სტრუქტურების ჩინოვნიკები, დონეცკის და ლუგანსკის თვითგამოცხადებული რესპუბლიკების წარმომადგენლები.
ბრიუსელი მათ ადანაშაულებს უკრაინის სუვერენიტეტის დარღვევაში. ანალოგიური სანქციები დაწესებულია აშშ–ს და კიდევ სხვა მრავალი ქვეყნის მიერ.