ევროკავშირმა ბელორუსს მოუწოდა სიკვდილით დასჯა აკრძალოს – შესაბამისი განცხადება ევროკავშირის საგარეო ურთიერთობების სამსახურმა გააკეთა . ინფორმაციას “დოიჩე ველე” ავრცელებს.
ევროკავშირი ორმაგი მკვლელობისთვის სიკვდილით დასჯილი ალექსანდრ ჟილნოკოვის გამო, მის ოჯახს და ახლობლებს უსამძიმრებს და საკუთარ მტკიცე პოზიციას გამოხატავს სიკვდილით დასჯის აკრძალვასთან დაკავშირებით.
მეორე სიკვდილმისჯილის ვიაჩესლავ სუხარკოს შესახებ, ჯერჯერობით, ინფორმაცია არ ვრცელდება.