განათლების მინისტრის მიხეილ ჩხენკელის თქმით, სკოლებსა და უმაღლეს სასწავლებლებში სასწავლო პროცესი დისტანციურ რეჟიმში უწყვეტად მიმდინარეობს, რაც იმას ნიშნავს, რომ ეს სემესტრი შედგება და არ ჩავარდება.
როგორც მიხეილ ჩხენკელი ამბობს, ეროვნული გამოცდებისთვის რეგისტრაციის ვადის გახანგძლივება არ ეხება თავად გამოცდის თარიღებს. მისი განცხადებით, ამ ეტაპზე, ეროვნული გამოცდების ფორმატის ან თარიღების ცვლილების საკითხი არ განიხილება.
