რუსთავი 2-ის გენერალურ დირექტორს კომპექსური გამოკვლევა ჩაუტარდა რესპუბლიკურ საავადმყოფოში. როგორც ექიმმა რეანიმატოლოგმა, ხათუნა მარგველაშვილმა ჟურნალისტებთან საუბარში განაცხადა, ნიკა გვარამიას ქალატვინის დახურული ტრავმა, ტვინის შერყევა და სხეულის რბილი ქსოვილის დაზიანება აღენიშნება.
რესპუბლიკური კლინიკის გადაუდებელი სამედიცინო ცენტრის ექიმების თქმით, ისინი ნიკა გვარამიას 24 საათიან ჰოსპიტალიზაციას საჭიროდ მიიჩნევენ, თუმცა გადაწყვეტილება თავად პაციენტმა უნდა მიიღოს.