ხობის მუნიციპალიტეტის სოფელ ჭალადიდთან ავტოსაგზაო შემთხვევის შედეგად ერთი ადამიანი დაშავდა. ქვა-ღორღით დატვირთული სატვირთო მანქანა სავალი ნაწილიდან გადავიდა, ხეს შეეჯახა და ამოტრიალდა, რის შედეგადაც მძღოლი დაშავდა.
ადგილზე მობილიზებულნი არიან სასწრაფო-სამედიცინო დახმარებისა და სამაშველო ჯგუფები, ასევე საპატრულო პოლიციის ეკიპაჟები.
საავტომობილო გზაზე მოძრაობა პარალიზებულია.
ამ წუთებში, ექიმები დაშავებულს სამედიცო დახმარებას უწევენ. ჯერჯერობით მძღოლის გამოყვანა მანქანიდან ვერ ხერხდება.