„ენმ“-ს კედელი უფრო ხარისხიანად რომ გაეკეთებინა, რამდენიმე წელიწადში მისი გამოცვლა არ გახდებოდა საჭირო – ნარმანია

news
ავტ.: news მარტი 24, 2017 13:46

„ენმ“-ს კედელი უფრო ხარისხიანად რომ გაეკეთებინა, რამდენიმე წელიწადში მისი გამოცვლა არ გახდებოდა საჭირო – ნარმანია

„ნაციონალურ მოძრაობას“ თავის დროზე კედელი უფრო ხარისხიანად რომ გაეკეთებინა, რამდენიმე წელიწადში მისი გამოცვლა არ გახდებოდა საჭირო – დედაქალაქის მერი “ენმ”ს- პოლიტსაბჭოს წევრს, გოგა ონიანს პასუხობს:

„ჩვენ იძულებული ვართ წელს ეს კედელი გამოვცვალოთ და აღვადგინოთ. ამიტომაც ბიუჯეტში გათვალისწინებული გვაქვს შესაბამისი დაფინანსება. თავის დროზე, უფრო ხარისხიანად რომ გაეკეთებინათ, მისი რამდენიმე წელიწადში ჩანაცვლება აღარ იქნებოდა საჭირო“, – განაცხადა დავით ნარმანიამ.

„ერთიანი ნაციონალური მოძრაობის“ პოლიტსაბჭოს წევრის გოგა ონიანის განცხადებით, მერიამ 100 ათასობით ლარი არამიზნობრივად დახარჯა.
„ავლაბრის მეტროსთან ვერტიკალური სკვერის გახმობასთან დაკავშირებით დედაქალაქის მერიამ 133 ათასის ღირებულების ტენდერი გამოაცხადა, რომელიც მის აღდგენას გულისხმობს. თუმცა, ამავდროულად გასათვალისწინებელია ის ფაქტორიც, რომ გასულ წელს მერიამ 100 ათასობით ლარი გადაიხადა მის მოვლაში. იმის ნაცვლად, რომ სწორედ ამ ტენდერში გამარჯვებული კომპანიისთვის დაესკისრებინა მისი აღდგენა“, – განაცხადა გოგა ონიანმა.

news
ავტ.: news მარტი 24, 2017 13:46

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,849
ვიზიტორი
დღეში
Powered By Google Analytics