საქართველოს საკონსტიტუციო სასამართლო დღეს პლენუმის სხდომას გამართავს. სხდომა 12:30 საათზეა ჩანიშნული და მასზე საკონსტიტუციო სასამართლოს კოლეგიების დაკომპლექტების, საქართველოს საკონსტიტუციო სასამართლოს თავმჯდომარის მოადგილეებისა და სასამართლოს მდივნის არჩევის საკითხები განიხილება.
საკონსტიტუციო სასამართლოს თავმჯდომარის მოადგილეებად და ამავე დროს კოლეგიების თავმჯდომარეებად მოიაზრებიან მოსამართლეები მერაბ ტურავა და თეიმურაზ ტუღუში, ხოლო სასამართლოს მდივნის პოზიციას სავარაუდოდ, მოსამართლე ლალი ფაფიაშვილი დაიკავებს.
