“დღეს არის გადამწყვეტი ბრძოლა ზურაბ ადეიშვილის ნარჩენებისგან” – გასაუბრება მოსამართლეებთან

ქეთი ფერაძე
ავტ.: ქეთი ფერაძე თებერვალი 6, 2018 12:09

“დღეს არის გადამწყვეტი ბრძოლა ზურაბ ადეიშვილის ნარჩენებისგან” – გასაუბრება მოსამართლეებთან

იუსტიციის საბჭოს წევრები დღეს უვადო მოსამართლედ განმწესების მსურველ კანდიდატებს გაესაუბრებიან. უვადო მოსამართლეობის თაობაზე განაცხადი იუსტიციის უმაღლეს საბჭოში სულ 51 კანდიდატს აქვს შეტანილი. მათგან 17 კანდიდატი გასაუბრებას დღეს გაივლის.
“დღეს არის გადამწყვეტი ბრძოლა ზურაბ ადეიშვილის ნარჩენებისგან, რომ მათ სასამართლო ხელისუფლებაში ძალაუფლება და კონტროლი შეინარჩუნონ, მე მათ კლანსაც ვერ ვუწოდებ.
გასაუბრების ამ ეტაპის მთლიანი მნიშვნელობა მდგომარეობს იმაში, რომ მოსამართლეებმა იგრძნონ, რომ ისინი არავის წინაშე დავალებულები არ არიან და შესაბამისად, ანგარიშვალდებულნი არიან საკუთარი სინდისის წინაშე. ვფიქრობ, სწორედ ამისთვის გაიმართება ბრძოლა მომავალი 3 წლის განმავლობაში“, – აცხადებს იუსტიციის საბჭოს არამოსამართლე წევრი ანა დოლიძე.
17 კანდიდატის დღევანდელი სია ასე გამოიყურება: ლილი მსხილაძე, ლია ავალიშვილი, მიხეილ ბებიაშვილი, დიანა ბერეკაშვილი, ხათუნა ბოლქვაძე, ლევან გვარამია, გოდერძი გიორგიშვილი, გიორგი გოგინაშვილი, გურამ გოცირიძე, კობა გოცირიძე, შორენა გუნცაძე, ნათია გუჯაბიძე, ნონა ზარქუა, ირინა ზარქუა, დალი აბჟანდაძე, მანუჩარ კაპანაძე და დავით კეკენაძე. უვადო მოსამართლეობის მსურველ კანდიდატებთან იუსტიციის უმაღლესი საბჭო გასაუბრებას 6-დან 8 თებერვლის ჩათვლით გაივლის.

ქეთი ფერაძე
ავტ.: ქეთი ფერაძე თებერვალი 6, 2018 12:09

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,297
ვიზიტორი
დღეში
Powered By Google Analytics