დელტას ხელმძღვანელი თანამდებობიდან გადაყენებულია. თავდაცვის მინისტრმა უჩა ძოძუაშვილი დაითხოვა. უთანხმოება სამინისტროსა და დელტას შორის ჯერ კიდევ ერთი წლის წინ დაიწყო, როდესაც თინა ხიდაშელმა ცენტრის მუშაობა გააკრიტიკა.
ბოლოს დელტასთან პრეტენზიები სეტყვასაწინააღმდეგო დანადგარების უმოქმედობას დაუკავშირდა, თუმცა ამ შეთხვევაში ცენტრში აცხადებდნენ, რომ სამინისტროსგან რაკეტების დამზადებაზე შეკვეთა არ ყოფილა. ამ ფონზე კი ორი დღის წინ დელტაში გენინსპექციაც შევიდა.
