დეკანოიძე – ხელისუფლების ვალია, ყველაფერი გააკეთოს, რათა პარტიებმა თვითმმართველობის არჩევნებში მონაწილეობა მიიღონ

region
ავტ.: region იანვარი 13, 2021 18:08

დეკანოიძე – ხელისუფლების ვალია, ყველაფერი გააკეთოს, რათა პარტიებმა თვითმმართველობის არჩევნებში მონაწილეობა მიიღონ

„ჯერ ამაზე საუბარი ძალიან ნაადრევია, არა ვადების კუთხით, რადგან ნორმალურ, ცივილიზებულ ქვეყანაში, რა თქმა უნდა, არჩევნებამდე პარტიები ემზადებიან რამდენიმე თვით ადრე, მაგრამ ნაადრევი იმდენად, რამდენადაც ჩვენ არ გვაქვს კონკრეტული გეგმა ხელისუფლების მხრიდან, როგორ აპირებს ის ამ პოლიტიკური კრიზისის განმუხტვას.

ბოიკოტია პარლამენტის, არალეგიტიმურია ერთპარტიული პარლამენტი და მთელი ოპოზიციური სპექტრი არის ერთიანი ამ ნაწილში. ამიტომ, იმ შემთხვევაში, თუ პოლიტიკური კრიზისი არ განიმუხტება, რა თქმა უნდა, თვითმმართველობის არჩევნებს დემოკრატიული ფუნქცია დაკარგული აქვს. მაგრამ ასევე ძალიან მნიშვნელოვანია, გვესმოდეს, რომ კომპრომისზე უნდა წამოვიდეს ხელისუფლება, ხელისუფლების ვალია, ყველაფერი გააკეთოს, რომ არჩევნებში მიიღონ მონაწილეობა პარტიებმა. გარდა ამისა, რა თქმა უნდა, ერთიანი პოზიციები პარტიების არის ძალიან მნიშვნელოვანი. ჩვენ ყველა ისეთ გადაწყვეტილებას, რომელიც ეხება პოლიტიკური კონტექსტს, განვიხილავთ ერთიან ფორმატში, ერთიან პლატფორმაზე ოპოზიციის, რადგან ვფიქრობთ, რომ ეს ერთიანი პლატფორმა და მიდგომა არის ძალიან მნიშვნელოვანი.

ამ წუთას ძალიან ადრეა, რადგან პოლიტიკური კრიზისის განმუხტვის არც ერთი კონტური ჯერჯერობით არ ჩანს. თუ სიტუაცია არ განიმუხტა, ეს იქნება ხელისუფლების პასუხისმგებლობა, რომ არჩევნები პრაქტიკულად კარგავს აზრს. ძალიან მნიშვნელოვანია, რომ გვქონდეს ერთიანი პოზიცია, ჯერჯერობით ჩვენ არ გვისაუბრია ამასთან დაკავშირებით, ჩვენ ველოდებით პოლიტიკური კრიზისის განმუხტვის გზებს, რომელიც უნდა იპოვოს ხელისუფლებამ. ჩვენ ჩვენი გეგმა შეთავაზებული გვაქვს, ამიტომ, ვნახოთ, ჯერ ამაზე კონსულტაციები არ ყოფილა“, – განაცხადა ხატია დეკანოიძემ.

region
ავტ.: region იანვარი 13, 2021 18:08