საპარლამენტო უმრავლესობის წევრის დავით მათიკაშვილის განცხადებით, ძალოვანი უწყებები აქტიურად იმუშავებენ, რათა ე.წ. ტატუნაშვილი-ოთხოზორიას სია განახლდეს და მსგავსი შემთხვევების იდენტიფიკაცია მოხდეს.
„დარწმუნებული ვარ, რომ ჩვენი ევროპელი კოლეგები სიის მნიშვნელობას მიხვდებიან. კარგად იციან, თუ რას ნიშნავს ქვეყანა, რომლის ტერიტორიები ოკუპირებულია. კარგად იციან, რას ნიშნავს, აგრესორის წინააღმდეგ დაპირისპირება, სადაც პატარა ქვეყანა ხარ და ის ძლიერი მეზობელია. ამიტომ, პარტნიორები მხარს აუცილებლად დაგვიჭერენ, აშშ-ს იმედი გვაქვს”, – განაცხადა მათიკაშვილმა