შუახევში, ცოლის მკვლელობისთვის ბრალდებულ კაცს წინასწარი პატიმრობა შეუფარდეს – გადაწყვეტილება ბათუმის საქალაქო სასამართლოს მოსამართლე თამარ ბეჟანიშვილმა მიიღო.
დაცვის მხარემ სასამართლოს 10 000-ლარიანი გირაო შესთავაზა, თუმცა მოსამართლემ შუამდგომლობა არ დააკმაყოფილა. მისი თქმით, სასამართლო პროკურატურის შუამდგომლობას სრულად იზიარებს.
საქმეზე წინასასამართლო სხდომა 4 ივნისს, 12:00 საათზე გაიმართება.