“ჩვენი ოპონენტები, მათ შორის რადიკალური ოპოზიციიდან, ხელს გვიწყობენ კიდევ უფრო მყარ გამარჯვებაში”

region
ავტ.: region ივნისი 19, 2020 18:09

“ჩვენი ოპონენტები, მათ შორის რადიკალური ოპოზიციიდან, ხელს გვიწყობენ კიდევ უფრო მყარ გამარჯვებაში”

ჩვენი ოპონენტები, მათ შორის რადიკალური ოპოზიციიდან, ხელს გვიწყობენ კიდევ უფრო მყარ გამარჯვებაში, როდესაც ასეთ გადაწყვეტილებებს ახმოვანებენ, – ამის შესახებ საპარალამენტო უმრავლესობის ლიდერმა, მამუკა მდინარაძემ ოპოზიციის მიერ თბილისის ექვს ოლქში საერთო მაჟორიტარული კანდიდატების დასახალებასთან დაკავშირებით განაცხადა.

„ჩემთვის არანაირ მიზანს არ წარმოადგენს ცინიზმი და არ შეიძლება, უდიერად ან უპატივცემულოდ მოეპყრო შენს თუნდაც ყველაზე სუსტ კონკურენტს, თუმცა, რატომღაც მგონია, რომ ჩვენი ოპონენტები, მათ შორის რადიკალური ოპოზიციიდან, ხელს გვიწყობენ კიდევ უფრო მყარ გამარჯვებაში, როდესაც ასეთ გადაწყვეტილებებს ახმოვანებენ.

არ მიიღონ პიროვნულად არც ერთმა, უფრო მეტად საუბარი მაქვს საერთო კანდიდატებზე, რა შემთხვევაშიც, წარმატების საფუძველი ისიც იქნება, რომ პირველივე ტურში დამთავრდება ყველაფერი, როდესაც ისინი საერთო კანდიდატს დაუჭერენ მხარს“, – განაცხადა მამუკა მდინარაძემ.

ოპოზიციამ თბილისის ექვსი მაჟორიტარული ოლქისთვის კანდიდატების შეთანხმებული სია დღეს დაასახელა.

კერძოდ, ოპოზიციამ თბილისის ოლქებში შემდეგი კანდიდატები წარადგინა: მთაწმინდა – შალვა შავგულიძე; სამგორი – ლევან ხაბეიშვილი; ვაკე – ელენე ხოშტარია; გლდანი – ნიკა მელია; ისანი – გიორგი ვაშაძე; ნაძალადევი – შალვა ნათელაშვილი.

region
ავტ.: region ივნისი 19, 2020 18:09

Google სტატისტიკა


6,810
ვიზიტორი
დღეში
Powered By Google Analytics