ცესკო-ში პარტიების მიერ საარჩევნო სიების წარდგენის ვადა ამოიწურა

news
ავტ.: news სექტემბერი 8, 2016 19:39

ცესკო-ში პარტიების მიერ საარჩევნო სიების წარდგენის ვადა ამოიწურა

ცენტრალურ საარჩევნო კომისიაში საარჩევნო სუბიექტების მიერ საარჩევნო სიების წარდგენის ვადა ამოიწურა.

როგორც ცესკო-ს პრესსპიკერმა ანა მიქელაძემ განაცხადა, 29 საარჩევნო სუბიექტიდან დოკუმენტაცია 28 პარტიამ წარადგინა.

„ერთმა პარტიამ არ წარმოადგინა დოკუმენტაცია, ეს არის ეროვნულ დემოკრატიული პარტია (ედპ). ამის შემდგომ ცესკო განახორციელებს კანონით განსახორციელებელ პროცედურებს. უკვე ცესკო-ს შესაბამისმა სამსახურმა დაიწყო დოკუმენტების შემოწმება. კანონმდებლობის მიხედვით, 10 დღის ვადაში მაგრამ არჩევნებამდე არაუგვიანეს 26 დღისა ცესკო შესაბამისი სამსახური წარუდგენს დასკვნას ცესკო-ს თავმჯდომარეს. თავმჯდომარე კი სამი დღის ვადაში მიიღებს გადაწყვეტილებას გატარდება პარტიული სია რეგისტრაციაში თუ არა”, – განაცხადა მიქელაძემ.

მისივე თქმით, გარკვეული ხარვეზების აღმოჩენის შემთხვევაში ცენტრალური საარჩევნო კომისია აცნობებს შესაბამის პარტიას და პარტიას სამ დღიანი ვადა ეძლევა ხარვეზების გამოსასწორებლად.

მიქელაძის ინფორმაციით, საერთო ჯამში დაერთო ჯამში პროცედურის დასრულების ბოლო ვადა 18 სექტემბერია.

news
ავტ.: news სექტემბერი 8, 2016 19:39

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,785
ვიზიტორი
დღეში
Powered By Google Analytics