საკარანტინო ზონაში დღეს ღამის საათებში ქუჩების სადეზინფექციო სამუშაოები დაიწყება, – ამის შესახებ გარემოს დაცვისა და სოფლის მეურნეობის მინისტრი, ლევან დავითაშვილი აცხადებს.
„ბოლნისსა და მარნეულში შემსვლელ-გამომსვლელ მანქანებს სპეციალური სადეზინფექციო ხსნარით ვამუშავებთ, რომელიც დაავადების კონტროლის ცენტრთან არის შეთანხმებული. გვყავს დამატებითი მძიმე ტექნიკა, რომელიც საკარანტინო ზონაში გადაადგილდება და ყველა ღია სივრცეს დაამუშავებს“, – განაცხადა მინისტრმა.