სავაჭრო ცენტრ „ბავშვთა სამყაროში“ გაჩენილი ხანძრის შედეგად დაზარალებული მოვაჭრეები პარლამენტთან აქციას მართავენ. ისინი კვლავ ზარალის კომპენსირებას და საბანკო ვალდებულების შეჩერებას ითხოვენ.
დაზარალებულ მოვაჭრეებს სამართალდამცველებმა გუშინ, მთავრობის ადმინისტრაციასთან კარვების გაშლის უფლება არ მისცეს, რის შემდეგაც მოვაჭრეთა ნაწილმა ღამე ღია ცის ქვეშ გაატარა.
მოვაჭრეთა ნაწილი ორ კვირაზე მეტია პროტესტის უკიდურეს ფორმას- შიმშილობას მიმართავს. ისინი ხელისუფლების წარმომადგენლებთან შეხვედრას ითხოვენ.