თბილისში, მუხიანის N153-ე ბაგა-ბაღის აღმზრდელს, მშობელი მცირეწლოვანი შვილის ცემაში ადანაშაულებს.
ბაგა-ბაღების მართვის სააგენტომ აღნიშნულ საქმეზე მოკვლევა უკვე დაიწყო და ბაღის აღმზრდელი სააგენტოში დაიბარა.
მშობლის ინფორმაციით, მცირეწლოვანს სისხლჩაქცევები აღენიშნებოდა, რის გამოც, ბავშვი იაშვილის კლინიკაში გადაიყვანეს.
„თვითონ ბავშვი მასწავლებელმა გამოიყვანა და მითხრა, ალერგია ხომ არ აქვსო. თვითონ მიჩვენა სისხლჩაქცევები სახეზე. სახლში რომ მივედი, დავეჭვდი. პატრული გამოვიძახე და პოლიციაში წავედით. ამის მერე იაშვილის კლინიკაში გადაგვიყვანეს. ბავშვმა მითხრა, მასწავლებელმა მცემაო“,- განაცხადა დაზარალებულის დედამ ოლიკო თითიაშვილმა.
მომხდარზე გამოძიება სისხლის სამართლის კოდექსის 126-ე პრიმა მუხლით დაიწყო, რაც არასრულწლოვნის მიმართ ჩადენილ დანაშაულს გულისხმობს.