აზერბაიჯანში კორონავირუსის პირველი შემთხვევა გამოავლინეს. ვირუსი ირანიდან მომავალ რუსეთის მოქალაქეს დაუდგინდა.
რუსეთის მოქალაქე ირანიდან აზერბაიჯანში გაემგზავრა. ის სპეციალურ ბოქსირებულ განყოფილებაში ჰყავთ გადაყვანილი.
ეს აზერბაიჯანში კორონავირუსის გამოვლენის პირველი შემთხვევაა. საერთო ჯამში კორონავირუსით რუსეთის 4 მოქალაქეა დაინფიცირებული, რომელთაგან 2 რუსეთშია, ერთი აზერბაიჯანში და კიდევ ერთი საკრუიზო ლაინერ „დაიმონდ პრინცესზე“.
საქართველოში ამ ეტაპზე კორონავირუსის ორი შემთხვევაა გამოვლენილი.
