აშშ-ს საელჩო – ყოველი 26 მაისი დიდი მონაპოვარისა და თავისუფლების ძლიერი სიყვარულის ზეიმია

ამერიკის შეერთებული შტატების საელჩო საქართველოს დამოუკიდებლობის დღეს ულოცავს. როგორც საელჩოს მისალოც წერილშია აღნიშნული, ყოველი 26 მაისი თავისუფლების ძლიერი სიყვარულის ზეიმია.

“საქართველოს პირველი დამოუკიდებლობის დღე მართლაც საყოველთაო ზეიმი იყო. 26 მაისი იყო შედეგი სიმამაცის, ერთიანი, თავდაუზოგავი ძალისხმევისა და სამშობლოს უსაზღვრო სიყვარულის.

სამოცდაათი წლის განმავლობაში საბჭოთა რეჟიმის მცდელობების მიუხედავად საქართველოს პირველი რესპუბლიკის მემკვიდრეობა ქართველმა ხალხმა შეინარჩუნა და დღესაც მისი იდეალების დამკვიდრებისკენ ისწრაფვის.

ყოველი 26 მაისი ამ დიდი მონაპოვარისა და თავისუფლების ძლიერი სიყვარულის ზეიმია.

გილოცავთ დამოუკიდებლობის დღეს, საქართველო!” -ნათქვამია მისალოც წერილში.

წინა სტატიაშიგერმანიის საელჩო საქართველოს დამოუკიდებლობის დღეს ულოცავს
შემდეგი სტატიალიეტუვის საგარეო უწყება – ვულოცავთ საქართველოს და ქართველ ხალხს დამოუკიდებლობის დღეს, მტკიცედ ვუჭერთ მხარს საქართველოს ევროპულ და ევროატლანტიკურ ინტეგრაციას