აშშ აზერბაიჯანს ჟურნალისტ აფგან მუხტარლის გათავისუფლებისკენ მოუწოდებს – ნათქვამია სახელმწიფო დეპარტამენტის განცხადებაში:
“გავრცელებული ინფორმაციით, მუხტარლი საქართველოში გაიტაცეს და აზერბაიჯანში ჩაიყვანეს. ბრალდებას პოლიტიკურად მოტივირებულად მიიჩნევენ. ყურადღებით ვაკვირდებით საქართველოში მიმდინარე გამოძიებას და ვიმედოვნებთ, რომ იქნება სრული, გამჭვირვალე და დროული”.
აფგან მუხტარლის 6 წლით თავისუფლების აღკვეთა გუშინ მიუსაჯეს – საზღვრის უკანონოდ გადაკვეთის, საზღვარზე 10 000 ევროს არადეკლარირებულად გადატანის და მესაზღვრისთვის წინააღმდეგობის გაწევის ბრალდებით.
