9 ივლისს, რეფერენდუმი ჩატარებამდე ერთი დღით ადრე, ოპოზიციურმა ძალებმა გაავრცელეს განცხადება ბოიკოტის შესახებ. მასში ნათქვამია, რომ აფხაზეთის დეფაქტო „პრეზიდენტმა რაულ ხაჯიმბამ არ უზრუნველყო რეფერენდუმის ჩატარებისთვის აუცილებელი პირობები“. ოპოზიციამ, აგრეთვე, ბრალო დასდო ხელისუფლებას მათი აზრის ბლოკირებისთვის სახელმწიფო ტელევიზიის ეთერში. რაულ ხაჯიმბამ უარყო ოპოზიციის ბრალდებები და შეაფასა ისინი როგორც „ცილისწამება და არაკონსტრუქციული კრიტიკა“ .
შეგახსენებთ, რეფერენდუმი ვადამდელი საპრეზიდენტო არჩევნების ჩატარების თაობაზე აფხაზეთში არ შედგა. 10 ივლისს რეფერენდუმზე გამოცხადდა ამომრჩეველთა 1 %-ზე ნაკლები.
