ანრი ოხანაშვილი – გუნდში განახლება მოსალოდნელია, თუმცა არა სამთავრობო ცვლილებებით

region
: region მარტი 9, 2019 17:45

ანრი ოხანაშვილი – გუნდში განახლება მოსალოდნელია, თუმცა არა სამთავრობო ცვლილებებით

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი აცხადებს, რომ მმართველ გუნდში განახლება მოსალოდნელია, თუმცა არა სამთავრობო ცვლილებებით.

რაც შეეხება კითხვას, რამდენად შეესაბამება სიმართლეს გავრცელებული ინფორმაცია, რომ თეა წულუკიანმა შესაძლოა, თანამდებობა დატოვოს, ოხანაშვილი იუსტიციის მინისტრის თანამდებობიდან წასვლას არ ადასტურებს.

,,გუნდში განახლება მოსალოდნელია და ეს შეიძლება მოხდეს, თუმცა არა სამთავრობო ცვლილებებით, როგორც ეს ანონსდება. პარტიული განვითარება აქტუალურია და დღის წესრიგში დგას“, – აცხადებს ოხანაშვილი.

დეპუტატი პარტიის განვითარების მიზნით ცვლილებებთან დაკავშირებით ირაკლი ღარიბაშვილის როლზე ამახვილებს ყურადღებას.

,,ირაკლი ღარიბაშვილი, როგორც პოლიტიკური მდივანი, ძალიან საინტერესო ფუნქციებით არის აღჭურვილი. მას შეუძლია და აქვს ამის რესურსი, რომ პარტიული განვითარებისთვის იმუშაოს. დარწმუნებულები ვართ, რომ ძალიან წაადგება პარტიის განვითარებას“, – აცხადებს ოხანაშვილი.

მისივე თქმით, „ქართული ოცნების“ თავმჯდომარესთან, ბიძინა ივანიშვილთან უმრავლესობის შეხვედრაზე პარტიის ეფექტურობაზე და განვითარებაზე იყო მსჯელობა და სხვა საკადრო ცვლილებები დღის წესრიგში არ ყოფილა.

region
: region მარტი 9, 2019 17:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,304
ვიზიტორი
დღეში
Powered By Google Analytics