აღმოსავლეთი და სამხრეთი არის რუსეთის ფედერაციის შუალედური სამიზნეები უკრაინის აღების მეორე მცდელობამდე, – ამის შესახებ თავდაცვის მინისტრის მოადგილემ ანა მალიარმა.
„ამჟამად მტრის დიდი ძალისხმევა მიმართულია უკრაინის სამხრეთ და აღმოსავლეთ ტერიტორიის დაპყრობისკენ. ჯერჯერობით ეს ტერიტორიები არის შუალედური სამიზნეები, სანამ მტერი მეორედ დააპირებს მთელი უკრაინის დაპყრობას“, – აღნიშნა მალერმა.
მინისტრის მოადგილემ სამხრეთი და აღმოსავლეთი მტრის სტრატეგიულ სამიზნედ დაასახელა.
მან, ასევე, სიტუაციას, რომელიც ამ რეგიონებში შეიქმნა ძალიან რთული უწოდა.
შეგახსენებთ, უახლესი მონაცემებით, მტერი ცდილობს უპირატესობის მოპოვებას ხერსონის რეგიონის ადმინისტრაციულ საზღვრებზე. დონბასში კი ოკუპანტები უკრაინელ დამცველებს ყოველდღე ესხმიან თავს.
გასული დღის განმავლობაში უკრაინის შეიარაღებულმა ძალებმა რეგიონში დამპყრობლების ექვსი თავდასხმა მოიგერიეს.
