18 იანვარს დასავლეთ საქართველოში დღის ტემპერატურა 23 გრადუსამდე აიწევს. გარემოს ეროვნული სააგენტოს ინფორმაციით, დღეს აღმოსავლეთ საქართველოს ბარში შედარებით დაბალი ტემპერატურა დაფიქსირდება. კერძოდ +4;+9 გრადუსის ფარგლებში. თბილისში დღეს მაქსიმალური ტემპერატურა +6 გრადუსი იქნება.
17-18 იანვარს საქართველოში თბილი და უნალექო ამინდია მოსალოდნელი. შედეგად, ხვალიდან ტემპერატურა მთელს საქართველოში მოიმატებს, განსაკუთრებით დასავლეთ საქართველოში, სადაც დღის ტემპერატურა დაბლობში + 21 გრადუსამდე აიწევს, 18 იანვარს – 23 გრადუსამდე. იქნება უნალექო ამინდი.
აღმოსავლეთ საქართველოს ბარში კი ხვალ დღისით ტემპერატურა 14 გრადუსამდე მოიმატებს, 18 იანვარს – 16 გრადუსამდე.
ასევე, სამი დღის განმავლობაში დასავლეთ საქართველოში, ზემო იმერეთსა და კოლხეთის დაბლობზე აღმოსავლეთის ძლიერი ქარი იქროლებს. დღეს ქარის სიჩქარე ზოგან მოსალოდნელია 20-25 მეტრი წამში, 17-18 იანვარს ქარის სიჩქარე შედარებით შემცირდება და 17-22 მეტრი წამში იქნება. დასავლეთ საქართველოს მაღალმთიანი რაიონებიდან ითოვებს ხულოსა და მესტიაში. შესაძლოა იქ იყოს ქარბუქიც. დასავლეთ საქართველოს მაღალმთაში ღამით საშუალოდ ყინვა -8 გრადუსამდე დაფიქსირდება.
ასევე სამი დღის განმავლობაში, აღმოსავლეთ საქართველოს მაღალმთაში კი უნალექო ამინდი იქნება. ღამით მოსალოდნელია ყინვა, საშუალოდ -12-13 გრადუსამდე.
19 იანვრიდან კი საქართველოში შესაძლოა ამინდი შეიცვალოს და იწვიმოს, თუმცა სინოპტიკოსები ძლიერ თოვლს ან წვიმას არ პროგნოზირებენ.