სასჯელაღსრულებისა და პრობაციის სამინისტრო სახალხო დამცველის #2-ე პენიტენციურ დაწესებულებაში განხორციელებული ვიზიტის შესახებ გამოქვეყნებულ ანგარიშთან დაკავშირებით აცხადებს, რომ პატიმართა შორის დაფიქსირებულ ძალადობის ფაქტებზე გამოძიება უკვე დაწყებულია. ამის შესახებ სასჯელაღსრულებისა და პრობაციის სამინისტროს განცხადებაშია ნათქვამი.
“რაც შეეხება მსჯავრდებულების რისკ-ფაქტორების მიხედვით გადანაწილებას, აღნიშნული პროცესი პენიტენციურ დაწესებულებებში უკვე დაწყებულია და ის 2017 წლის დასაწყისში დასრულდება.
#@2 პენიტენციურ დაწესებულებაში არსებულ ინფრასტრუქტურულ პრობლმებთან დაკავშირებით კი, სასჯელაღსრულებისა და პრობაციის სამინისტრო განმარტავს, რომ პენიტენციურ დაწესებულებებში ინფრასტრუქტურული პროექტების განხორციელება აქტიურ რეჟიმში მიმდინარეობს და ყველა არსებული პრობლემა ეტაპობივად გადაიჭრება.
სასჯელაღსრულების სამინისტრო არ იზარებს #2 პენიტენციურ დაწესებულებაში მსჯავრდებულთა აქტივობასთან დაკავშირებით გამოთქმულ პრეტენზიებს და განმარტავს, რომ დაწესებულება პასუხობს ყველა სტანდარტსა და მოთხოვნას, რასაც კანონი ითვალისწინებს შესაბამისი რეჟიმის დაწესებულებისთვის. ასევე, უკვე აღმოფხვრილია #2 დაწესებულების მაღაზიის სათანადო პროდუქტებით მომარაგების პრობლემაც.
სახალხო დამცველის ანგარიშში #2 დაწესებულებაში სამედიცინო სერვისის კუთხით გამოთქმულ შენიშვნასთან დაკავშირებით სასჯელაღსრულებისა და პრობაციის სამინიტრო განმარტავს, რომ დაწესებულების საექიმო-სამედიცინო პუნქტში ექიმის ვაკანტური პოზიციის დასაკავებლად ოქტომბერში კონკურსის გამოცხადება იგეგმება. ამასთან, მსჯავრდებულებს საჭიროებისმებრ უტარდებათ ადეკვატური სამედიცინო
მომსახურება, მათ შორის, გენდერულად სპეციფიკური საჭიროების შემთხვევაში სამოქალაქო სექტორის კლინიკაში.
#2 პენიტენციურ დაწესებულებაში არსებობს ექიმ-ფსიქიატრის საშტატო ერთეული და კვალიფიციური სპეციალისტის მიერ, ყველა მსჯავრდებული/ბრალდებული საჭიროების შემთხვევაში უზრუნველყოფილია შესაბამისი და დროული ფსიქიატრიული მომსახურებით.
აღსანიშნავია, რომ 2015 წლის განმავლობაში #2 პენიტენციურ დაწესებულებიდან სამოქალაქო სეტორის კლინიკებში სამედიცინო მომსახურება 552 მსჯავრდებულს/ბრალდებულს ჩაუტარდა”, -აღნიშნულია განცხადებაში.
