გიორგი მარგველაშვილმა ქართველ მუსლიმებს რამადან–ბაირამის დასრულება მიულოცა

საქართველოს პრეზიდენტმა გიორგი მარგველაშვილმა, ქართველ მუსლიმებს რამადან–ბაირამის დასრულება მიულოცა.
“გულითადად გილოცავთ რამადანის ერთთვიანი მარხვის საზეიმო დასრულებას. რამადან–ბაირამს – სულიერი განწმენდისა და სიკეთის გამარჯვების ამ უდიდეს დღესასწაულს ყველა თქვენგანი განსაკუთრებით აღნიშნავს.

საქართველოს მუსლიმ თემს, ჩვენი საზოგადოების განუყოფელ ნაწილს, საკუთარი გარჯითა და ქვეყნისადმი ერთგულებით ფასდაუდებელი წვლილი შეაქვს ჩვენი საერთო სამშობლოს აღმშენებლობაში.

ამიტომ თქვენი სიხარული – თითოეული ჩვენგანის სიხარულია. წარმატებებს, სულიერ სიმშვიდესა და კეთილდღეობას გისურვებთ თქვენ და თქვენს ოჯახებს”-აღნიშნულია პრეზიდენტის მილოცვაში.

banner
წინა სტატიაშიანა დოლიძე : სასამართლო ხელისუფლებას ძირეული, მყისიერი, ფართომასშტაბიანი რეფორმა სჭირდება
შემდეგი სტატიაპროგრამის „გადაიღე საქართველოში“ ფარგლებში კიდევ ერთი ფილმის გადაღებები განხორციელდება