ბორის ნემცოვის მკვლელობის გამოძიება შესაძლოა, სხვა მიმართულებით გაგრძელდეს. მიზეზი კი საქმეში ახალი მოწმის ჩვენებაა.
გამოცემა “კომერსანტის” ინფორმაციით, მკვლელობის დროს შემთხვევის ადგილზე გამვლელი მამაკაცი დაიკითხა. მან დაინახა მკვლელი, რომლის აღწერილობაც არ ემთხვევა ამჟამად დაკავებულ ეჭვმიტანილს, ზაურ დადაევს.
თვითმხილველი ყურადღებას კიდევ ერთ ფაქტზე ამახვილებს. მკვლელობის ადგილას ორი ქალი იმყოფებოდა, რომლებმაც ნემცოვის თანმხლებ უკრაინელ მოდელს რაღაც უთხრეს და შემდეგ სწრაფად დატოვეს ხიდი, სადაც მკვლელობა მოხდა.
