ფიერა დელ ლევანტეს გამოფენაზე, რომელიც ქალაქ ბარიში მიმდინარეობს ოკუპირებული აფხაზეთი დამოუკიდებელ რესპუბლიკად არის წარმოდგენილი. ინფორმაციას, გამოფენაში მონაწილეობის შესახებ, ოკუპირებული აფხაზეთის ე.წ. საგარეო საქმეთა სამინისტრო მის facebook-ის გვრდზე ავრცელებს. ინფორმაციას თან ერთვის ფოტომასალაც.
ინფორმაციაში აღნიშნულია, რომ „აფხაზეთის რესპუბლიკის დელეგაცია სამუშაო ვიზიტით იტალიის რესპუბლიკაში იმყოფებოდა.“ დელეგაციის შემადგენლობაში არიან დე ფაქტო აფხაზეთის ე.წ. საგარეო საქმეთა მინისტრის მოადგილე, ე.წ. სავაჭრო-სამრეწველო პალატის პრეზიდენტი და ე.წ. პალატის სხვა წარმომადგენლები. გამოფენა, სადაც 2 ათასამდე იტალიური და უცხოური კომპანია საკუთარ პროდუქციას წარადგენს, იტალიის პრემიერმა გახსნა.