ზურაბ ადეიშვილზე საერთაშორისო ძებნის შეწყვეტის გამო უმრავლესობა პროკურატურისგან დამატებით ახსნა-განმარტებებს მოითხოვს. უმრავლესობაში არ ეთანხმებიან ბრალდებებს საგამოძიებო უწყების არაპროფესიონალიზმთან დაკავშირებით, მაგრამ დეპუტატებს საქმის დეტალების გარკვევა სურთ.
ქართულ ოცნებაში აკონკრეტებენ იმასაც, რომ საერთაშორისო ძებნის გაუქმების მიუხედავად ზურაბ ადეიშვილს ბრალი არ მოხსნია.
“მიზეზი რა გახდა ნამდვილად საინტერესოა საზოგადოებისთვის. პროკურატურა აპირებს, რომ გააკეთოს ამასთან დაკავშირებით განცხადება. თუ ის არ იქნება დამაკმაყოფილებელი, შემდეგ მოვიწვევთ და პარლამენტში დავუსვამთ კითხვებს,” – აცხადებს ზურაბ ტყემალაძე.
