დეპუტატი და ერთიანი ნაციონალური მოძრაობის წევრი სერგო რატიანი “რუსთავი 2-ის” მხარდაჭერისთვის დაკავებული პირებისათვის პატიმრობის შეფარდების საკითხს ეხმაურება და ქვეყანაში რიგგარეშე საპარლამენტო არჩევნების გამართვის ინიციატივით გამოდის.
“ის, რასაც აკეთებთ ამ ადამიანების მიმართ მარტივად კულტურაში ეწოდება ხელების დაბანა. ამ პარლამენტმაც, ამ მთავრობამაც ამოწურა თავისი თავი, ამიტომ ერთადერთი გამოსავალი რიგგარეშე საპარლამენტო არჩენვებია. სხვაგვარად თქვენ დატოვეთ სამართლებრივი სივრცე,”- განაცხადა სერგო რატიანმა ბიუროს სხდომაზე.
