სახელმწიფო უსაფრთხოების სააგენტოს ხელმძღვანელის თანამდებობაზე ვახტანგ გომელაურის კანდიდატურას საპარლამენტო უმცირესობა მხარს არ დაუჭერს. “ნაციონალური მოძრაობის” ერთ-ერთი წევრის სერგო რატიანის განაცხადებით გომელაურის დანიშნვა არაფორმალური მმართველობის გაგრძელებაა.
“ეს არის არაფორმალური მმართველობის გაგრძელება და ეს საკმაოდ დიდ ზიანს მიაყენებს საქართველოს, ისევე როგორც სხვა დანიშვნები და ჩვენ გვახსოვს – შს მინისტრის პოსტზე არა მარტო არაფრით არ გამოირჩეოდა, არამედ გვახსოვს მისი უმოქმედობა სტიქიის დროს და კრიმინალთან ბრძოლის მიმართულებით ასევე სრული უუნარობა”,-განაცხადა რატიანმა.
