ოლიმპიური ცეცხლი უკვე ზუგდიდშია. ქალაქში ჩირაღდანი ნონა გაფრინდაშვილმა სხვა 12 მოჩირაღდნესთან ერთად შეიტანა. ზუგდიდელები ცეცხლის შესვლას საზეიმო განწყობით და კონცერტით დახვდნენ, რომელშიც ქართული ესტრადის ცნობილი შემსრულებლები მონაწილეობენ.
ზუგდიდიდან ცეცხლს 3 ივლისს წალენჯიხაში წაიღებენ, 5 ივლისს კი მას კურორტი ანაკლია უმასპინძლებს. 6 ივლისს ოლიმპიური ჩირაღდანი გეზს ევროპის ყველაზე მაღალ სოფელ უშგულისკენ აიღებს, საიდანაც დედაქალაქისკენ დაიძვრება.