ოლიმპიური ცეცხლი ფოთში ჩაიტანეს. მალთაყვაში, დიდების მემორიალთან ოლიმპიურ ჩირაღდანს ადგილობრივი ხელისუფლების, საზოგადოების სხვადასხვა სფეროს წარმომადგენლები და სპორტსმენები დახვდნენ.
ოლიმპიურმა ჩირაღდანმა გურიისა და აკაკის ქუჩები გაირა, მარშრუტი რუსთაველის რკალზე, ფოთის თეატრთან დასრულდა, სადაც საზეიმო კონცერტი დაიწყო. მაყურებლის წინაშე ადგილობრივი შემსრულებლები წარსდგებიან. ოლიმპიური ცეცხლი ფოთს 28 ივნისს დილით დატოვებს.