ლარის გაუფასურების ქრონიკა გრძელდება. დილიდან ოფიციალური გაცვლითი კურსი ამოქმედდა, რომელიც გუშინ ეროვნულმა ბანკმა განსაზღვრა.
ოფიციალური ინფორმაციით ერთი ამერიკული დოლარი 2.4170 ლარია.
კომერციულ ბანკებსა და გადამცვლელ ჯიხურებში კი 1 ამერიკული დოლარი 2.49 – 2.54 ლარამდე მერყეობს.
ეროვნული ბანკის მონაცემებით ლარი ევროსთან მიმართებაში კი მცირედით გამყარდა. ოფიციალური ინფორმაციით 1 ევრო 2.7295 ლარია.
ევროს შესაძენად კომერციულ ბანკებსა და გადამცვლელ ჯიხურებში 2.87 ლარია საჭირო.
