თბილისში, იალბუზის ქუჩაზე საცხოვრებელი სახლის ეზოს კედელი ჩამოინგრა. ნგრევის შედეგად დაშავებულია 2 ადამიანი, ერთი მათგანი ქალბატონია, რომელიც მრავლობითი დაზიანებებით საავადმყოფოში გადაიყვანეს.
არსებული ინფორმაციით მისი მდგომარეობა დამაკმაყოფილებელია. მსუბუქი დაზიანებები მიიღო კიდევ ერთმა ადამიანმა.
შემთხვევა ისანი-სამგორის რაიონში რამდენიმე წუთის წინ მოხდა. ადგილზე მობილიზებულია სასწრაფო სამედიცინო დახმარების, სამაშველო სამსახურისა და საპატრულო პოლიციის ეკიპაჟები.