გერმანიის ქალაქ დელმენჰორსტში ყოფილმა ექიმმა აღიარა, რომ მან 30 პაციენტი მოკლა.
38 წლის მამაკაცმა ექიმ -ფსიქიატრებს უთხრა, რომ პაციენტებს გულის საშუალებების გაზრდილი დოზით კლავდა. დაკავებულის სახელს მასმედია არ ახმოვანებს, საუბარია მის მიერ 2003-2005 წლებში ჩადენილ მკვლელობებზე.
გამოძიების ვერსიით, ექიმი პაციენტებს ჯერ ინექციას უკეთებდა, შემდეგ კი ცდილობდა მათ სიცოცხლისკენ მობრუნებას.
2008 წელს საავადმყოფოს თანამშრომელს 7,5 წელი მიუსაჯეს მკვლელობის მცდელობისთვის.
