ევროკომისიის ხელმძღვანელმა ჟან კლოდ იუნკერმა განაცხადა, რომ უახლოეს მომავალში ევროპა მიგრანტებთან დაკავშირებულ კრიზისს დაძლევს. ევროპარლამენტში გამოსვლისას იუნკერმა განაცხადა, რომ ევროპაში დამატებითად 120 ათასი მიგრანტის განსახლება უნდა მოხდეს. მისი თქმით, მნიშვნელოვანია 1,8 მილიარდი ევროს სპეციალური ფონდის შექმნა, რომელიც მომავალ კრიზისებზე იქნება გათვლილი. ასევე, იუნკერმა თქვა, რომ ევროკომისია მუშაობას იწყებს გეგმების შემუშავებაზე, რომელიც მსგავს პრობლემებზე სწრაფი რეაგირების საშუალებას მისცემს გაერთიანებას.
იუნკერის განცხადებით, ლტოლვილების ნაკადი ევროპისთვის სერიოზულ პრობლემას ქმნის, განსაკუთრებით, იტალია, საბერძნეთი და უნგრეთისთვის. ამასთანავე დაამატა, რომ ლტოლვილების დახმარება, რომლებიც ომს და დევნას გამოექცნენ, ადამიანური ვალდებლებაა.
ყველა ევროპული ღირებულებიდან ერთ-ერთი მნიშვნელოვანი თავშესაფრის მიღების შესახებ უფლებაა – განაცხადა იუნკერმა და დაამატა, რომ ევროკავშირი იშვიათად ამაყობს თავისი “ევროპული მემკვიდრეობით”.
“მსოფლიოში ევროპა ითვლება ადგილად, სადაც თავს ყველაზე დაცულად გრძნობენ. ზუსტად ევროპა გახდა იმედის ადგილი ქალებსა და მამაკაცებში ახლო აღმოსავლეთიდან და აფრიკადან. ამით უნდა ვიამაყოთ და ამისი არ უნდა შეგვეშინედს” – განაცხადა ჟან კლოდ იუნკერმა.
