დავით უსუფაშვილი: საკმაოდ მძიმე სიტუაციაა შექმნილი და ეს ჩვენ ყველას გვაღელვებს

ტელეარხებმა არა თუ შეამცირონ პოლიტიკურ საკითხებზე დებატების დრო, არამედ გაზარდონ

პარლამენტის თავმჯდომარე დავით უსუფაშვილი უნგრეთის ეროვნული ასამბლეის (პარლამენტის) საგარეო ურთიერთობათა კომიტეტის თავმჯდომარეს ჟოლტ ნემეტის შეხვდა.
როგორც პარლამენტის თავმჯდომარემ განაცხადა, საქართველოში ყურადღებით აკვირდებიან ევროპაში შექმნილ ვითარებას, რომელიც კონფლიქტური ზონებიდან დიდი რაოდენობით მიგრანტების ევროპის კონტინენეტზე ჩასვლით არის გამოწვეული.
“საკმაოდ მძიმე სიტუაციაა შექმნილი და ეს ჩვენ ყველას გვაღელვებს”, – აღნიშნა უსუფაშვილმა.
შეხვედრაზე საუბარი შედგა საქართველოს ევროპულ და ევროატლანტიკურ პერსპექტივებზე და რეგიონში არსებულ ვითარებაზე. პარლამენტის თავმჯდომარის თქმით, ევროპა შეუძლებელია იყოს მთლიანი, თავისუფალი და მშვიდობიანი, თუ ამ რეგიონში არ იქნება სტაბილურობა. ამავდროულად, უსუფაშვილის განცხადებით, საქართველო, ასევე დიდი ყურადღებას აქცევს თავის აღმოსავლელ პარტნიორებთან ურთიერთობებს, როგორიც არის ჩინეთი, სადაც ამჟამად საქართველოს პრემიერ-მინისტრი ვიზიტით იმყოფება.
დავით უსუფაშვილი სტუმარს საქართველოში მიმდინარე რეფორებზეც, მათ შორის, საარჩევნო რეფორმაზე და 2016 წლის საპარლამენტო არჩევნებზე ესაუბრა.
თავის მხრივ ჟოლტ ნემეტისმა განაცხადა, რომ საქართველო უნგრეთისთვის და უნგრელი ხალხისთვის ძალიან ახლობელი ქვეყანაა და არსებული ურთიერთობები, რომელიც თაობებმა შექმნეს, ძალიან მნიშვნელოვანი მონაპოვარია ორივე ქვეყნისთვის.
მან იმედი გამოთქვა, რომ საქართველო, რაც შეიძლება მალე და წარმატებით დაასრულებს ვიზალიბერალიზაციის პროცესს. ჟოლტ ნემეტისმა აგრეთვე აღნიშნა, რომ მნიშვნელოვნია საქართველოს აქტიური მონაწილეობა ნატოს მისიებში.

banner
წინა სტატიაშიჯანდაცვის კომიტეტი ნარკოტესტირების წესის გადახედვის წინადადებით სამთავრობო სტრუქტურებს მიმართავს
შემდეგი სტატიაევროკომისიის თავმჯდომარემ ქვეყნებს მეტი მიგრანტების მიღებისკენ მოუწოდა