თბილისის მერის მოადგილე გიორგი ხელაია უარყოფს გავრცელებულ ხმებს მისი თანამდებობიდან გადადგომის თაობაზე. ხელაია დღეს ქალაქის მთავრობის სხდომას ესწრებოდა, სადაც ცნობილი გახდა, რომ ვიცე-მერი ალექსანდრე მარგიშვილი მალე ახლად შექმნილ ცენტრს უხელმძღვანელებს და შესაბამისად, ვიცე-მერის პოსტს დატოვებს.
„აბსოლუტური დეზინფორმაციაა. ვიცი, რომ ბევრ ადამიანს გავუწბილე იმედები და ვაგრძელებ მუშობას ჩემს თანამდებობაზე. გადაწყვეტილება გადადგომის თაობაზე არ მიმიღია და ვასრულებ დაკისრებულ ფუნქციებს,” – ამბობს ხელაია.
შეგახსენებთ, რომ გიორგი ხელაიასა და ალექსანდრე მარგიშვილის თანამდებობიდან გადადგომის შესახებ ინფორმაცია ჯერ კიდევ გუშინ გავრცელდა, თუმცა თბილისის მერიაში აღნიშნული ფაქტი არ დაადასტურეს.
